Politimeister Vest politidistrikt

Om arbeidsgiver

Vest politidistrikt dekker 38 kommunar i Vestland fylke, med tilsaman 609 000 innbyggjarar. Distriktet følgjer ikkje fylkesgrensene helt - kommunane Fitjar, Bømlo, Stord, Etne og Sveio høyrer til Sør-Vest politidistrikt. Politidistriktet har om lag 1350 tilsette med konstituert politimeister Ane Kvaal som øvste leiar. Politimeisteren har sitt kontor i Bergen og der ligg også felles operasjonssentral.

Søk på stillingen

Om stillinga

Det er ledig embete som politimeister i Vest politidistrikt. Embetet er eit åremål for ein periode på seks (6) år. 

Samfunnsoppdraget til politiet er å skape trygghet der folk bur og ferdast. Som politimeister i eit av dei 12 politidistrikta i landet har du totalansvaret for polititenesta til innbyggjarane i distriktet ditt i dagleg drift, beredskap og ved kriser. Vidare leier politimeisteren påtalemakta i distriktet og er ansvarleg for straffesaksbehandlinga og underlagt den høgare påtalemakta. Politimeisteren rapporterer til politidirektøren. 

Du er rådgjevaren til politidirektøren gjennom deltaking i den nasjonale leiargruppa til politiet og er ansvarleg for at politiske føringar og gjeldande strategi blir forstått og gjennomførte i eige politidistrikt. Politimeisteren skal sørgje for levering av gode og tidsmessige polititenester gjennom kontinuerleg forbetring og forenkling av arbeidsprosessane til politiet. Politimeister har og ansvar for kvalitetsutvikling og optimal ressursutnytting i eige distrikt og bidra til dette i etaten. 

Som ein del av det viktige samfunnsoppdraget til politiet, skal vi førebyggje og etterforske kriminalitet, skape trygghet og vareta rettstryggheten. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Vi ønskjer å spegle befolkninga og er opptekne av mangfald og god kjønnsbalanse i leiarstillingane i etaten.

Arbeidsoppgåver

• Leie og utvikle eit politidistrikt som jobbar saman for å nå mål og levere på oppdrag 
• Bidra til målet om eitt politi ved å sjå til at styringa er i tråd med strategiane og måla til politiet 
• Sikre god førebygging i samarbeid med andre aktørar 
• Sikre effektiv drift og ressursbruk ved å ta i bruk tilgjengelege digitale løysingar og beste praksis 
• Sørgje for god samhandling og kommunikasjon internt og eksternt; mellom politidistrikt/-einingar og overfor andre samfunnsaktørar og til samfunnet
• Styrkje organisatorisk læring, etisk medviten leiing og risikobasert styring 
• Leie og utvikle eiga leiargruppe samt bidra til å styrkje og utvikle det nasjonale leiarlaget
• Sørgje for aktivt medarbeidarskap, helsefremjande arbeidsmiljø og godt partsamarbeid

Kvalifikasjonar

Dette må du ha for å være kvalifisert:

• Høgare utdanning, helst på mastergradsnivå 
• God resultatoppnåing i tidlegare stillingar 
• Erfaring frå kriseleiing 
• Må kunne kommunisere eksternt og internt på ein tydeleg og tillitvekkjande måte 
• Relevant leiarerfaring 
• Erfaring frå arbeid med kontinuerleg forbetring og utvikling 
• Må kunne klarerast for inntil STRENGT HEMMELEG

Det er også ønskelig med:

• Juridisk embetseksamen/master i rettsvitskap og/eller bestått grunnutdanning frå Politi(høg)skulen 
• Erfaring frå organisasjonsutvikling og omstilling 
• Erfaring med verksemdsutvikling og kvalitetsforbetringar ved hjelp av ny teknologi 
• Gjennomført leiarutdanning/leiarutvikling 
• Kunnskap om eller erfaring frå politi- og påtalemakt

Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politiloven § 18 og politiregisterlova § 41.

Personlege eigenskapar

• Resultatorientert og god gjennomføringsevne 
• Strategisk og heilskapsorientert 
• God til å kommunisere
• God relasjonsbyggjar og rollemodell
• Synleg samfunnsengasjement og høgt etisk medvit
• Tydeleg leiarskap med evne til å motivere og utvikle leiarar og medarbeidarar

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeiderplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vere med på å forme politiet for fremtida 
• Stillinga blir lønna som politimeister (stillingskode 9120) med årslønn: kr. 1 500 000-1 800 000
• Medlemskap i Statens pensjonskasse, med mellom anna gode pensjons- og forsikringsordningar. Les meir her.

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju. 

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken tilfølgje, vil du bli varsla om dette.

Spørsmål om stillinga

Karin Aslaksen, Avdelingsdirektør HR- og HMS-avdelingen, Politidirektoratet, +47 95 27 07 25

Peder Lund, Konsulent, Capus AS, +47 97 73 50 88